مش هدف الحوار إني أوجه أحد لاختيار د.مرسي
... أنا هدفي الناس تفهم المشروع الضخم اللي احنا كإخوان نازلين بيه .. واللي بدأ
بالفعل تنفيذ أجزاء منه على نطاق التشريعات (ستصدر قريبًا) أو على مسارات المجتمع
المدني وباذن الله مكملين سواء في رئاسة أو مش في رئاسة ..
الفكرة ان الإخوان لوحدهم مينفعش ينفذوا
المشروع .. لأن ده مشروع نهضة وطن مش مجرد مشروع حكومة تمشي بيه البلد يومين وخلاص
... هدفنا في الفترة اللي جاية نأسس لنهضة ومحتاجين الشعب كله يؤمن بيها عشان هو
اللي يكملها .. حتى لو الإخوان مش في السلطة بعد كدة لأي سبب ..
باختصار عشان نبدأ الحوار اللي أتمناه علمي
وموضوعي ..
مشروع النهضة هو مشروعنا لنهضة البلد ..
هدفنا مصر تبقى من أكبر اقتصاديات في العالم قبل 2025 .. بس خلينا نبدأ بال 4 سنين
الجايين ..
المشروع أساسا قائم على تمكين الإنسان من
ممارسة دوره في الحياة ونهضة الوطن وتحريره من كافة القيود (أمية – فقر – بطالة )
وإعطاؤه كافة حقوقه (حرية تعبير – حقه في الحصول على المعلومات – حقه في العيشة
الكريمة – حقه في المشاركة الفعالة لنهضة بلده .... )
مشروعنا قائم على 3 مسارات (هيكل الدولة –
القطاع الخاص – المجتمع الأهلي) كل مسار مستقل عن التاني في أداؤه بحيث لا تشكل مسار
جهة ضغط أو استغلال على أخرى ... والثلاث مسارات تخضع لرقابة شعبية صارمة وقانون
يساوي بين الجميع .
النهضة عندنا مش مجرد تنمية ...
النهضة = تنمية (زيادة انتاج ودخل) + قيم
عامة في المجتمع (تحافظ على استمرارية التنمية ودي مسئولية التعليم والإعلام
ومنظمات المجتمع المدني)
مشروعنا بيفكر في مصادر مبتكرة لتمويل المشروعات لأن الموازنة بتاعة الدولة فقط لو اعتمدنا عليها يدوبك تكفي الاحتياجات
الأساسية وبيبقى في عجز كمان ...
تمويل مشاريعنا العملاقة يزيد عن 100 مليار
جنيه بالإضافة لاستثمارات بمليارات الدولارات ... التمويل والاستثمارات كلها قائمة
على نظام المرابحة والاقتصاد الاسلامي مما يحمي المستقبل من تضخم الديون .. ويشجع
على استثمار رأس المال الوطني في دفع التنمية ... يعني المستثمر هييجي يساعد في
مجال ما أو يمول مشروع ما .. مش هيبقى دين وفايدة مضاعفة ... لا هياخد أرباح لفترة
معينة وبالتالي احنا كبلد استفدنا وهو كمستثمر مصري أو أجنبي استفاد .
عندنا مشاريع قاطرة لاحداث طفرة في الناتج
القومي وفتح مسارات جديدة للتنمية (أسطول صيد – مراكز بناء سفن – تنمية سيناء
وتعميرها ) ... ومشاريع سميناها ريادة محلية (كل محافظة فيها ميزة عن باقي
المحافظات نستغل الميزة دي)
-------------------------------------------
قبل أن نبدأ الحوار ..
وده فيديو حوالي ساعة مش هتحس بيها لو سمعته
.. عن مشروع النهضة من أحد شباب الحزب وعضو أمانة مشروع النهضة
-------------------------------------------------------------------
بينا نبدأ الحوار ..... وبأكد علمي وعقلانيي
واسمحوا لي همسح أي تعليق فيه تطاول أو إهانة لأي حد سواء شخصية عامة أو معلق من
المعلقين
على المدونة نحن للدين أسود
على صفحة المدونة على فيس بووك
ليست هناك تعليقات:
إرسال تعليق