رسالة من سجن المحكوم طرة

رسالة أرسلها لنا أبي من سجن المحكوم طرة ..

بسم الله الرحمن الرحيم

أحبتي وفلذات قلبي

السلام عليكم ورحمة الله وبركاته

أبوكم هنا يتنسم رحمات الله عز وجل ، والآن دوركم أنتم ، فأنا في خلوة مع الله وأنتم منطلقون مع الناس ، افخروا بهذه الدعوة المباركة ، ارفعوا رؤوسكم وقولوا إن أبانا قد أخذ علينا موثقا من الله ألا نترك الدعوة إلى الله عز وجل تحت راية هذه الدعوة المباركة ولن نلين ولن نعود إلى الوراء فقد انطلق القطار ولن يتوقف ..

لا تخجلوا من أن تقولوا إن أبانا قد دخل السجن في سبيل الله ، يتحمل الرجال منكم مسئولياتهم تجاه البيت .. والبنات أيضا ...

..........................

..........................

أوصيكم بالإخلاص في السر والعلانية ،

والدعاءنحن ندعوا لكم وأنتم أيضا ادعو لنا

أحبتي .. أنا في نعمة .. شدوا حيلكم انتم ...

من سجن المحكوم (طرة)
أبوكم : الحسيني الشامي
27 مايو 2009 م
3جمادى الآخرة 1430 هـ

تهم مضحكة .. وبجاحة معتادة

بقلم أسد الدين

غسيل أموال ؟؟ ومعظمهم لا يملك سوى راتبه ..

عندما سئل أبي عن تلك التهمة وتهمة دعم الجماعة ..

قال لوكيل النيابة : منين ؟؟ ده أنا استلفت من ضابط المباحث 100 جنيه وأنا نازل...

غسيل أموال إيه ؟ .. وأنا ابنه الكبير .. استدنت عشان أتجوز ..

هو سلسلتين ذهب وكوتشي من ع السلم .. دليل على غسيل أموال ؟؟ ماهي دي كل الفلوس اللي لقوها عندنا ..

لا يا أخي وشوف البجاحة ؟؟؟
قالوا لأخويا ( ربنا يحميه ويثبته) تعال خد اللاب توب بتاعك ؟؟ الضابط اللي قابله بيساوموا على ايه ؟؟؟
عايز يشغله مرشد على البيت ... شوف البجاحة ؟؟؟ يساوم الابن انه يتجسس على أبوه واخواته ؟؟

لكن بفضل الله .. احنا أقوى .. ومش صرصار زي الضابط ده اللي يهزنا ولا يخلينا نتخلى عن مبادئنا

عمومًا النيابة قررت الحبس 15 يوم على ذمة التحقيق وربنا يقدر الخير

أسرتنا واعتقال جديد

بقلم : أسد الدين

يعني لما يبقى فيه كل يوم جريمة قتل .. ومش عارفين تسيطرو ع البلد والقانون بتاعكم مش عارف يحميكم ولا يحمينا ... سيبوا الدين ياخد دوره ... سيبو المصلحين يصلحوا الدنيا .. مش يبقى لا منكم ولا كفاية شركم .

يعني فصل لطلاب الجامعة في عز الامتحانات .. واعتقالات شغالة ليل نهار .. نفسي الشرطة في مصر تشوف شغلها وتسيبها مننا شوية ... المهم انهم عارفين ان شغلنا في النور يعني مش هنعمل حاجة من وراهم .. بس بعيد عنك .. عندهم عاهة مستديمة في عقولهم ... (ربنا يشفي) ..

لسة طالعين من غزة وماحدث فيها ... اليوم استيقظت صباحا على خبر اعتقال والدي الحبيب ( شفاه الله وعافاه .. وفك أسره ) من البيت .. طبعا بهدلة وتفتيش 3 ساعات متواصل و أخدوا لاب توب بتاع أخويا و 5 أجهزة محمول بتوع اخواتي و الكمبيوتر وشوية كتب و .......الخ

يعني أنا في امتحانات التيرم الأول ودخلة الشتاء وأبي في التيرم الثاني ودخلة الصيف .. عموما ربنا يثبته ويثبت أمي (كان الله في عونها) ويعين اخواتي ع المذاكرة ، ويصبر أخي الصغير 6 سنوات .. مش عارف بعد اللي شافه الليلة اللي فاتت هيبقى رد فعله ايه ؟؟ ونفسيته عاملة ايه ؟؟

عموما .. عادي .. على رأي واحد من أساتذتنا في الحبسة اللي فاتت ... الاعتقال في مصر مثل الموت يأتي بغتة .. لا يفرق بين صغير وكبير أو شاب وشيخ أو صحيح ومريض ...

واحنا مبنتعبش ... وانه لجهاد نصر أو استشهاد .. وسيعلم الذين ظلموا أي منقلب ينقلبون
فك الله أسر المعتقلين جميعا اللهم آمين .